Qazaqstannyń etnosaralyq qatynastar modeli basqa elderge úlgi – Danıal Ahmetov

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetovtyń aıtýynsha, elimizdiń etnosaralyq qatynastar modeli basqa memleketterge úlgi, dep habarlaıdy QazAqparat tilshisi.

«Qazaqstan halqy Assambleıasy Keńesiniń otyrysynda QR Tuńǵysh Prezıdenti Nursultan Nazarbaev Assambleıa ózine azamattyq qoǵamnyń ámbebap qurylymynyń barlyq úzdik sıpattamalaryn engizgenin aıtty. Dostyq, beıbitshilik, tynyshtyq pen senim elimizdiń qoǵamdyq ómiriniń ajyramas bóligi. Bul jetistikke Qazaqstan azamattarynyń arqasynda qol jetkizildi», - dedi aımaq basshysy.

Onyń aıtýynsha, Qazaqstannyń etnosaralyq qatynastar modeli ýaqyt synynan ótken jáne basqa memleketter men halyqtar úshin úlgi.

«Qabyldanǵan Assambleıa Úndeýi halqymyzdy eń qundy ıgiligimiz - beıbitshilik pen kelisimdi nyǵaıtýǵa shaqyrady. Biz birge joǵary maqsattarǵa umtylýymyz qajet. Óıtkeni, biz bir eldiń, bir jerdiń balasymyz», - dedi Danıal Ahmetov.