Qazaqstannyń estrada juldyzdary kishkentaı Arýjannyń emine qarjy jınaýǵa kómektesip jatyr
ASTANA. 22 aqpan. QazAqparat - Astanadaǵy «Qazaqstan» Ortalyq kontsert zalynda qazaqstandyq estrada juldyzdarynyń qaıyrymdylyq kontserti ótip jatyr.
Satylǵan bıletten jınalǵan qarjyny ánshiler tórt jasar Arýjan Orazbekovanyń em-domyna berý sheshimin jasady. Jetkinshek osteoporoz dertine shaldyqqan. Bul indettiń saldarynan balanyń súıekteri óte názik bolǵandyqtan, ol qarapaıym qımyldardy jasaýǵa qaýqarsyz.
Arýjannyń ata-analary atalǵan derpen kúresip keledi, alaıda tıisti nátıjelerge qol jetkizýge múmkin bolmaı otyr. Balaǵa Máskeýdiń bilikti dárigerleri ota jasaýǵa daıyn ekendikterin bildirgen eken. Olardyń paıymynsha, Arýjandy emdeýge ońtaıly múmkindikter bar. Biraq ta qyzdyń ata-analaryna qajetti qarjyny jınaý qıyn soǵýda.
Qaıyrymdylyq kontsertti uıymdastyryp otyrǵan «Nur Otan» HDP «Jas Otan» jastar qanaty ókilderiniń sózinshe, qazirgi kezde jetkinshekti emdeý úshin barlyq meıirimdi adamdarǵa úlken úmit pen senim artylyp otyr.
