Qazaqstannyń esirtkimen kúres baǵdarlamasy 5 jylǵa uzartylady
ASTANA. 2 qarasha. QazAqparat /Arman Asqarov/ - Kelesi jyldan bastap elimizdiń esirtki bıznesine qarsy strategııalyq baǵdarlamasy úsh jyldan bes jylǵa deıin uzartylady.
Bul týraly búgin Astanada ótken baspasóz máslıhatynda QR ІІM Esirtkiniń zańsyz aınalymyn baqylaý jáne esirtki bıznesine qarsy kúres komıteti tóraǵasynyń orynbasary Yryskeldi Jandarbekov málim etti.
Onyń habarlaýynsha, bıyl elimizdiń esirtki bıznesine qarsy kúres sharalaryna arnalǵan úshjyldyq baǵdarlamasy aıaqtalyp jatyr. «Endi, 2012 jyldan bastap onyń merzimi 5 jylǵa deıin uzartylady. Onyń ishinde Qazaqstannyń esirtkimen kúres salasyndaǵy barlyq strategııasy ashyq kórsetilgen. Ol baǵdarlama esirtki bıznesin aldyn alý, quqyq qorǵaý, ońtústik shekarany kúsheıtý jáne taǵy basqa sharalardy qamtıdy. Aıta keter jáıt, oǵan qyrýar qarjy bólinip otyr», - deıdi Y.Jandarbekov.
