Qazaqstannyń esirtkiden memlekettik qaýipsizdigi týraly jeke zań qabyldaý qajet - V. Nehoroshev
ASTANA. 25 qańtar. QazAqparat /Qanat Mámetqazyuly/ - Qazaqstannyń esirtkiden memlekettik qaýipsizdigi týraly jeke zań qabyldaý qajet.
Búgin QR Parlamenti Májilisinde ««Qazaqstan Respýblıkasynyń keıbir zańnamalyq aktilerine uıymdasqan qylmysqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda depýtat Vladımır Nehoroshev osylaı málim etti.
«Qylmystyń, onyń ishinde uıymdasqan qylmystyń eń joǵary deńgeıi esirtki bıznesine qatysty bolyp tabylady. Dál osy qylmystyń túri transulttyq sıpatqa jatady ári memleketter arasynda taralady. Sondyqtan da, biz Qazaqstannyń esirtkiden memlekettik qaýipsizdigi týraly arnaıy zań qabyldaýdy oılanýymyz kerek. Óıtkeni, qylmystyq zańnamadaǵy barlyq normalar tıisti deńgeıde tıimdilik tanytpaı otyr. Sonymen qatar bul salada arnaıy qyzmet te jasaqtalýy shart. Al bizdiń qoldanystaǵy zańnamamyz esirtki qaýipsizdigi salasynda tolyq tıimdilik bere almaı keledi», - dedi depýtat.
Onyń aıtýynsha, esirtkige qarsy memlekettik qaýipsizdik týraly arnaıy zań qabyldanyp, arnaıy jeke qurylym bolmaıynsha, bul salada tıimdilik deńgeıi joǵarylamaıdy.
