Qazaqstannyń Esep komıteti men Frantsııanyń Esepter soty yntamaqtastyq týraly kelisimge qol qoıady
ASTANA. Sáýirdiń 30-y. QazAqparat /Ernur Aqanbaı/ - Qazaqstannyń Esep komıteti men Frantsııanyń Esepter soty yntymaqtastyq týraly kelisimge qol qoıady. Esep komıtetiniń tóraǵasy Omarhan Óksikbaev pen Frantsııa Esepter sotynyń múshesi, Frantsııanyń patentter jáne taýar belgisi ulttyq vedomstvosynyń Bas hatshysy Frederık Angermannmen ótken kezdesý barysynda tıisti ýaǵdalastyqqa qol jetkizildi,
dep habarlaıdy QazAqparat QR Esep komıtetiniń baspasóz qyzmetine silteme jasap.
Taraptar Qazaqstan men Frantsııanyń joǵary qarjy baqylaý organdary arasyndaǵy qarym-qatynastardy nyǵaıtýǵa múddeli ekendikterin bildirip, keleshektegi ózara áriptestik máselelerin talqylady. Sondaı-aq kezdesýde Esep komıteti delegatsııanyń aldaǵy ýaqytta Frantsııanyń Esepter sotyna jasaıtyn saparyna qatysty máseleler qozǵaldy. Osy sapar aıasynda taraptar ózara yntymaqtastyq týraly kelisimge qol qoıady dep kútilýde.
«Bizdiń elderdiń Kostıtýtsııalary óte uqsas. Qazaqstannyń Esep komıteti Frantsııanyń Esepter sotymen yntymaqtastyp jumys isteýge daıyn. Biz qazirgi ýaqytta Sizderdiń Frantsııa Respýblıkasynyń Prezıdentimen, Mınıstrler Keńesimen, Parlamentpen, basqa da memlekettik organdarmen jáne mekemelermen aradaǵy ózara qarym-qatynastaryńyzdyń qalaı qurylǵanyn bilgimiz keledi. Sonymen birge Esepter soty men jergilikti esep palatalary qyzmetiniń quqyqtyq negizimen, sondaı-aq sáıkestik baqylaýyn, qarjylyq eseptilik pen tıimdilik baqylaýyn júrgizýdiń ádisnamalyq sıpattarymen tanysýǵa nıettimiz», - dedi Omarhan Óksikbaev.
Óz kezeginde, Frederık Angermann Esep komıtetiniń Frantsııanyń Esepter sotyna jasaıtyn sapary eki jaqty qatynastardy jańa satyǵa kóteretindigin atap ótti. Sondaı-aq kezdesý kezinde ol Frantsııa joǵary qarjy baqylaý organynyń qurylý tarıhy, ókilettigi, qurylymy men onyń uıymdastyrylýy jóninde toqtalyp ótti.
USAID-tyń ekonomıkalyq reformalar arqyly básekege qabilettilikti arttyrý jobasy Esep komıtetiniń Frantsııanyń Esepter sotyna jasaıtyn saparyna tehnıkalyq qoldaý kórsetetin bolady.
