Qazaqstannyń erkin kúres sheberleri Polshadaǵy týrnırden 8 medal aldy
ASTANA. QazAqparat - Qazaqstandyq erkin kúres sheberleri Varshavada Vatslav Tsıolkovskıdi eske alýǵa arnalǵan halyqaralyq týrnırde 4 kúmis, 4 qola medal jeńip aldy, dep habarlaıdy «SPORTINFORM» SAA Qazaqstannyń kúres federatsııasyna silteme jasap.
Kúmis medaldardy Qýat Ámirtaev (61 kg), Amandyq Bakeev (70 kg), Nurǵalı Nurǵaıypuly (92 kg) jáne Mamed Ibragımov (97 kg) jeńip aldy.
Qola júldege Nurıslam Sanaev (57 kg), Dáýren Jumaǵazıev (70 kg), Bolat Saqaev (74 kg) jáne Bahtııar Іzbasarov (79 kg) laıyqty dep tanyldy.
