Qazaqstannyń erkin kúres sheberleri kadetter arasyndaǵy Álem chempıonatynda jalpykomandaldyq esepte 4-oryn aldy
ALMATY. 25 tamyz. QazAqparat /Erlik Erjanuly/ - Vengrııanyń Sombathe qalasynda erkin, grek-rım jáne áıelder kúresinen kadetter arasynda І Álem chempıonaty ótip jatyr. Alǵashqy eki kúnniń qorytyndysy boıynsha qazaqstandyq erkin kúres sheberleri jalpy komandalyq esepte 39 eldiń arasynda 56 upaımen tórtinshi orynda kele jatyr.
Olardyń qorjynynda qazir 2 altyn, 1 kúmis jáne 2 qola júlde bar. Onda jarystyń alǵashqy kúni 42, 50, 58, 69 jáne 85 kelidegi balýandar beldesken bolatyn. Bul synda Azamat Toıbek (42 kg) kúmis, Azamat Daýletbekov (69 kg) qola júldeger atandy. Al keshe 46, 54, 63, 76 jáne 100 kelidegi balýandardyń beldesýinde Vladımır Kýdrın (46 kg) menElhan Asadov(76 kg) altyn, Іlııas Jumaı (63 kg) qola júldeniń ıegerleri atandy. Endi onda 25-26 tamyzda áıelder kúresiniń, al 27-28 tamyzda grek-rım kúresi sheberleri arasyndaǵy saıystar bolady.
