Qazaqstannyń erejesiz jekpe-jek sheberleri sheteldik áriptesterimen kelisimshart jasasý úshin Seýlge barady
ALMATY. Qazannyń 29-y. QazAqparat /Erlik Erjanuly/ - Qazannyń 30-y kúni qazaqstandyq erejesiz jekpe-jek óneriniń sheberleri sheteldik áriptesterimen kelisimshart jasasý úshin Seýlge attanbaq,
dep habarlaıdy QazAqparat.
"Birneshe kúnge sozylatyn bul sapar kezinde AQSh, Brazılııa, Japonııa, Koreıa sııaqty elderdiń aralas jekpe-jek sporty qaýymdastyqtarymen kelisimshartqa qol qoıamyz. Qazaqstanda ázirge erejesiz jekpe-jek sportynan arnaıy federatsııa joq. Sportshylar túrli deńgeıdegi jarystarǵa kásipqoı sport klýbtarynyń atynan qatysyp júr. Sporttyń bul túriniń damýy elimizde kenjelep kele jatyr. Sportshylar tek Astana, Almaty, Qaraǵandy qalalaryndaǵy kásipqoı sport klýbtarynda ǵana jattyǵady", deıdi erejesiz jekpe-jekten álemniń 3 dúrkin chempıony Ardaq Nazarov. Onyń aıtýynsha, qazir amerıkandyq áıgili óner sańlaǵy Stıven Sıgal erejesiz jekpe-jekten óz tujyrymdamasyn ashyp jatyr. Eger oǵan qabyldaıtyn bolsa, álem chempıondary - aǵaıyndy Ardaq pen Beıbit Nazarovtar AQSh-taǵy bul jekpe-jek saıystaryna da qatysýǵa daıyn.
