Qazaqstannyń energııa únemdeý áleýeti energııa tutynýdyń jalpy deńgeıiniń 30 paıyzyn quraıdy

Semınar barysynda uıymdastyrýshylar men qatysýshylar «Álemdik energetıka jáne energııa tıimdiligi: negizgi tendentsııalar, máseleler men sheshimder», «Qazaqstan - energııa únemdeýdiń áleýeti. Indýstrııalyq-ınnovatsııalyq damý jáne energııa tıimdiligi»; «TÚKSh-ny jańǵyrtý jáne zamanaýı tenhologııalar: negizgi mindetter men ilki is-áreket nátıjeleri», «Energııa únemdeýshi jaryqtandyrý - únemdeý qajet pe? Energııa únemdeýshi tehnologııalarǵa kóshýdiń máseleleri men onyń sheshimderi» jáne taǵy da basqa taqyryptarǵa erekshe kóńil bóldi. Semınar barysynda óz aldyna jeke talqylaýǵa túsken taqyryptardyń biri «Energııa únemdeý jóninde derekter men ańyzdar: naǵyz únemdeý, jaryq únemdeýshi shamdardyń quramyndaǵy synap, densaýlyq máseleleri men jaryqtyń sapasy» jónindegi taqyryp bolyp tabyldy. «Qazaqstannyń TÚKSh-n damytý jáne jańǵyrtý ortalyǵy» AQ, Qazaqstanda BUU-ny Damytý baǵdarlamasy ókilderi men Philips kompanııasynyń Reseıdegi jáne Qazaqstandaǵy «Jaryq sheshimderi» bólimsheleriniń sarapshylary semınar barysynda baıandamamen shyqty.

«Energetıka qorlaryn oryndy qoldaný máselesinde adamzat úshin kúnnen kúnge ózektiligi artýda, al onyń sheshimi kóptegen memleketter úshin, onyń ishinde Qazaqstan úshin strategııalyq mindetke aınalýda. Atalǵan is-shara energııa únemdeý jáne zamanaýı tehnologııalardy qoldaný ıdeıalaryn ilgeriletýge baǵyttalǵan. Ásirese, bul másele Qazaqstannyń negizgi damý basymdyqtary aıasynda asa mańyzdy bolyp tabylady. Máselen, Qazaqstan Prezıdenti óziniń «Bolashaqtyń irgesin birge qalaımyz!» atty Qazaqstan halqyna arnalǵan Joldaýynda energııa tıimdi tehnologııalardyń el ekonomıkasynda alatyn mańyzdy rólin basa atap ótken bolatyn», - deıdi Philips kompanııasynyń Qazaqstandaǵy Ókildiginiń basshysy Davıd Galınek.

Halyqaralyq energetıka agenttiginiń baǵalaýy boıynsha, dúnıejúzinde tutynylatyn búkil elektr energııasynyń 19 paıyzy jaryqtandyrýǵa jumsalady. Qazirgi zamandaǵy jaryq tehnologııalary elektr energııasyn tutyný mólsherin 40 paıyzǵa deıin únemdeýge múmkindik beredi. Bul kórsetkish álemdik aýqymda jylyna 106 mlrd. eýrony únemdeýge teń. Ekologııa turǵysynan alyp qaraǵanda, bul únemdeý kómirqyshqyl gazynyń aýaǵa shyǵarylýyn jylyna 555 mln. tonnaǵa azaıtyp, elektr energııasynyń 2 terravatyn jáne munaıdyń 1,5 mıllıardyn únemdeýge ákeledi.

«Energııa únemdeýshi tehnologııalardy engizý qajettiligi Qazaqstan Respýblıkasynyń turǵyn-úı kommýnaldyq sharýashylyǵyn jańǵyrtý jónindegi 2011-2020 jyldarǵa arnalǵan memlekettik baǵdarlamasynyń basty mindetteriniń biri bolyp tabylady. Únemdeý jáne energııa qorlaryn oryndy paıdalaný óz úıimizden bastalýy tıis, óıtkeni bizdiń árqaısymyzdyń elektr qýatyn, jylýdy jáne ózge de qýat kózderin tutynýǵa degen qatynasymyz elimizde tutynylatyn energııanyń jalpy kórinisin beredi. TÚKSh-ny damytý jáne jańǵyrtý ortalyǵy bilimder men jańa tehnologııalardy taratý máselesimen belsendi túrde aınalysýda; bizdiń tarapymyzdan júrgiziletin pılottyq jobalar oń nátıje men ózgeristerdi baıqatyp, jańadan engizilgen sharalardyń energııa tıimdiligi men únemdiligin kórsetip otyr», - dep atap ótti «Qazaqstannyń TÚKSh-ny damytý jáne jańǵyrtý ortalyǵy» AQ tóraǵasynyń orynbasary Saltanat Temirqulqyzy Rahymbekova.

Al "Energoprom" QazǴZI prezıdenti Gennadıı Andreevtiń baǵalaýy boıynsha, Qazaqstannyń energııa únemdeý áleýeti energııa tutynýdyń jalpy deńgeıinen 30 paıyzdy quraıdy, bul energııany únemdeý múmkindiginiń bar ekendigin taǵy da dáleldeıdi.

Іs-shara uıymdastyrýshylary Qazaqstanda BUU-ny Damytý baǵdarlamasy, Philips kompanııasynyń Ókildigi jáne Qazaqstan Baspasóz klýby bolyp tabyldy. Oǵan «Qazaqstannyń TÚKSh-ny damytý jáne jańǵyrtý ortalyǵy» AQ tóraǵasynyń orynbasary Saltanat Rahymbekova, Indýstrııa jáne jańa tehnologııalar mınıstrliginiń jańa tehnologııalar jáne energııa únemdeý departamentiniń dırektory Ǵalym Ámiree qatysty.