Qazaqstannyń energetıkteri sheteldik áriptesterin shań qaptyrdy
110 kV jáne odan joǵary qosalqy stansylardyń jabdyqtaryn jóndeý jáne olarǵa qyzmet kórsetý boıynsha básekege bıyl Belarýs, Grýzııa, Qazaqstan, Reseı men Ózbekstan elderiniń brıgadalary qatysty. Qazaqstannyń namysyn «KEGOC» AQ «Aqmola JET» fılıalynyń energetıkter brıgadasy qorǵady. Sonymen qatar, Qyrǵyzstan, Tájikstan jáne Ýkraına memleketteriniń ókilderi jarysqa baqylaýshylar retinde qatysty.
Jarys «KEGOC» AQ oqý-jattyǵý polıgonynda (Aqmola oblysy, Makınsk q.) ótti. Brıgadalar tórt kúnniń ishinde 6 kezeńdik synaqtan ótti: qoldanystaǵy ereje men nusqaýlyqtardy bilý; jabdyqtarǵa jylý boıynsha baqylaý júrgizý daǵdysy; 110 kV ajyratqyshtarǵa jóndeý jáne retteý jumystaryn júrgizý kezindegi daǵdylar men sheberlik; 220 kV joǵary volttyq germetıkalyq endirmege tehnıkalyq qyzmet kórsetýdegi sheberlik; KRÝN-10 kV - syrtqy qondyrǵynyń keshendi taratý qurylysymen órtti sóndirý sheberligi; elektr toǵynyń áreketinen zardap shegýshini bosatý jáne oǵan kómek kórsetý (maneken men reanımatsııalyq jattyqtyrǵysh kómegimen) sheberligi.
Aıta keteıik, 2015 jyly atalmysh halyqaralyq jarys Belarýstyń Brest qalasynda ótken bolatyn. TMD-ǵa qatysýshy-memleketterdiń elektr energetıkasy salasyndaǵy personaldyń kásibı sheberliginiń halyqaralyq jarysy 2004 jyldan beri jyl saıyn ótkizilip turady.
