Qazaqstannyń energetıka salasyna qarastyryl otyrǵan ınvestıtsııa shamamen 7 mlrd. dollardy quraıdy
ASTANA. 17 maýsym. QazAqparat - Elimizdiń energetıka salasyna qarastyrylyp otyrǵan salymdar Indýstrııalandyrý kartasynyń aıasyndaǵy barlyq ınvestıtsııanyń 10% jýyǵyn quraıtyn bolady, Qazaqstannyń Damý bankiniń taldaýshylary energetıkalyq
salaǵa qatysty jasaǵan óz sholýlarynda osyndaı málimet keltirdi. Bul týraly Pm.kz saıty jazady.
2000 jyly bastalǵan Qazaqstannyń ekonomıkalyq damýy elektr energııasyna degen suranystyń ulǵaıýyna sep boldy. Atap aıtqanda, 2010 jyldyń sońyndaǵy jaǵdaı boıynsha Qazaqstanda 82,6 mlrd kVt/saǵat elektr energııasy óndirildi, bul 2003 jylǵy kórsetkishten 30% kóp.
Aıta ketý kerek, Indýstrııalandyrý baǵdarlamasynyń aıasyndaǵy ınvestıtsııalar energetıkalyq nysandardy qaıta jańartýǵa jáne jańǵyrtýǵa jumsalady, sondaı-aq jańa qýat kózderi men ınfraqurylymdardyń qurylysyna baǵyttalady.
«Elimizde iske qosylyp otyrǵan jańa ónerkásiptik óndirister qosymsha energııa qýatyn talap etetin bolady. Al ÚIID baǵdarlamasynyń aıasynda iske qosylǵan energetıkalyq nysandar osy energetıkalyq suranysty qamtamasyz ete alady»,- dep atap kórsetti QDB Indýstrııalyq saıasat departamentiniń dırektory Sábıt Sýhanov.
Banktiń sholýynda atap kórsetilgendeı, perspektıvalyq balansqa sáıkes 2015 jyly elimizde 100,5 mlrd kVt/saǵat deńgeıde elektr qýaty tutynylady dep boljanýda. Osylaısha, elektr energııasyna degen jyl saıynǵy qosymsha qajettilik 11,5 mlrd kVt/saǵatty quramaq. El ekonomıkasynyń 7% qósimin qamtamasyz etý úshin osynshalyqty elektr qýaty kerek.
«Jylý jáne gıdroenergetıka sııaqty dástúrli energııa kózderi energetıkalyq jobalardy qarjylandyrýdyń perspektıvalyq baǵyttary bolyp qalýda. Oǵan qosa, jel jáne kún qýatymen jumys isteıtin elektr stansalary, shaǵyn GES-ter sııaqty damý áleýetteri úlken jáne jańartylatyn energııa kózderin de esten shyǵarýǵa bolmaıdy», delingen Qazaqstannyń Damý bankiniń analıtıkalyq sholýynda.
