Qazaqstannyń eńbek sińirgen qaıratkerleri men ustazdary memlekettik nagradalar aldy
«Qazaqstannyń eńbek sińirgen qaıratkeri» qurmetti ataǵy tanymal kompozıtor, «Dervıshı» tobynyń ánshisi Dilmurat Baharovqa, Bıken Rımova atyndaǵy Taldyqorǵan drama teatrynyń ártisi Musa Ájibekovke jáne Á. Qasteev atyndaǵy óner mýzeıiniń ǵalym-hatshysy Ekaterına Reznıkovaǵa beriledi», - dedi Memleket basshysy memlekettik nagradalar ıegerlerin marapattaý rásiminde.
Sonymen birge, Atyraý oblysyndaǵy Nurǵısa Tilendıev atyndaǵy Kishi óner akademııasy daryndy balalarǵa arnalǵan mektep ıntrenatynyń muǵalimi Darjan Tórehanova «Qazaqstannyń eńbek sińirgen ustazy» qurmetti ataǵyna ıe boldy.
«Onyń kóptegen shákirti aǵylshyn tilinen ótken respýblıkalyq olımpıadalarda jeńiske jetti. Al Jańaózen qalasyndaǵy mektep muǵalimi Roza Seısenbaevaǵa «Eren eńbegi úshin» medali berildi. Ol orys mektebiniń oqýshylaryna qazaq tili men ádebıetin oqytady, shákirtteri túrli baıqaýlarda júldeli oryndarǵa ıe bolyp júr», - dedi Prezıdent.
Aıta keteıik, QR Táýelsizdiginiń 30 jyldyǵy qarsańynda Memleket basshysynyń Jarlyǵymen elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin bir top azamat memlekettik nagradalarmen marapattaldy.
