Qazaqstannyń eń úzdik kameralyq ujymy Kazakh quartet onlaın kontsert ótkizedi
«Jaz áýenderi» jobasynyń kezekti kontsertin jalǵastyratyn Nur-Sultan qalasy ákimdiginiń Memlekettik akademııalyq fılarmonııasy. Az ýaqyt ishinde ujym otandyq jáne álemdik mýzyka mádenıetiniń iri jetistikterin keńinen nasıhattaýǵa baǵyttalǵan kópsalaly kontserttik jáne mýzykalyq-dáristik qyzmetti damytty. Atalmysh fılarmonııanyń joǵary kásibı ujymdary men ártisteri kóptegen respýblıkalyq jáne halyqaralyq baıqaýlardyń laýreattary», delingen habarlamada.
Kazakh quartet atty Ǵazıza Jubanova atyndaǵy memlekettik ishekti aspaptar kvartetiniń kórkemdik jetekshisi – Qazaqstan Respýblıkasynyń eńbek sińirgen qaıratkeri Ernar Myńtaev.
Ujymnyń quramy - Aıdar Toqtalıev birinshi skrıpka, Alekseı Lebedev ekinshi skrıpka, Bekzat Saılaýbaıuly alt, Ernar Myńtaev vıolonchel.
Memlekettik ishekti aspaptar kvarteti joǵary oryndaýshylyq sheberligi, minsiz oınaý tehnıkasy jáne ansambldik sezimi úshin Qazaqstannyń eń úzdik kameralyq ujymy ataldy.
Kontserttiń onlaın-premerasy 26 shilde kúni saǵat 19.00-de Mádenıet jáne sport mınıstrliginiń YouTube arnasynda ótedi.
Foto: kazakhquartet.com
