Qazaqstannyń eń symbatty sportshysy tańdalady
ASTANA. 27 qazan. QazAqparat - Vesti.kz sport portaly óziniń oqyrmandaryna qazaqstandyq azamattyǵy bar eń symbatty sportshyny tańdaýǵa usyndy. Daýysty basylymnyń redaktsııasymen tańdalǵan 10 úmitkerdiń birine berý kerek.
Samat Smaqov (33 jasta). Eń bedeldi fýtbolshylardyń biri. Qazaqstannyń birneshe dúrkin chempıony. Birneshe ret eldiń eń úzdik fýtbolshysy atandy. Sonymen qatar eń kelbetti qazaqtardyń tizimine endi.
Rýstam ıArǵalıev (25 jasta). Qazaqstandyq eń úzdik basketbolshylardyń biri. Eldiń úzdik basketbol klýby - «Astananyń» kapıtany.
Davıd Lorııa (30 jasta). Eń tanymal qazaqstandyq fýtbol qaqpashysy. Qaqpashylar arasynda Qazaqstan chempıonatynda ótkizilgen oıyndar boıynsha úzdik bestikke kiredi. Qazaqstanda ǵana emes, sondaı-aq shetelde oınady. Osy jyldyń jazynda túriktiń "Rızespor" fýtbol klýbymen kelisim-shartqa qol qoıdy.
Vıtalıı Eremeev (37 jasta). «Barys» hokkeı klýbynyń qaqpashysy. Ol UHL-dyń amerıkandyq klýbtary men reseılik komandalarda oınaǵan.
Evgenıı Korolev (24 jasta). Máskeýde dúnıege kelgen tennısshi 2010 jyldan bastap Qazaqstannyń namysyn qorǵap keledi. Ol Qazaqstanǵa aýysý kezinde álemniń 53-shi jáne Reseıdiń 4-shi raketkasy boldy. Anna Kýrnıkovanyń jaqyn inisi.
Asan Bazaev (31 jasta). Tanymal qazaqstandyq veloshabandoz. Qazaqstannyń eńbek sińirgen sport sheberi. Tas joldaǵy toptyq jarysta Qazaqstan chempıony. «Astana» velotobynda óner kórsetedi.
Danııal Gadjıev (26 jasta). Grek-rım kúresinen London Olımpıadasynyń qola júldegeri. Daǵystanda dúnıege kelgen. 2011 jyldan bastap Qazaqstannyń qurama komandasynda óner kórsetip keledi. Dáýlet Turlyhanov atyndaǵy sport mektebinde jattyǵady. Ol Batys Qazaqstan oblysyn tanystyrady, Oralda turady.
Islam Bozbaev (21 jasta). Bolashaǵynan úmit kúttiretin qazaqstandyq dzıýdoshylardyń biri. Ol Qazaqstan chempıonatynda jeńiske qol jetkizgen, Azıada oıyndarynda jáne 2010 jyly Azııa chempıonatynda 2-shi oryn aldy, dzıýdodan Álem Kýbogynda altyn medal enshilegen (2011). Máskeýdegi «Úlken dýlyǵa» jarysynyń qol júldegeri. Londondaǵy Olımpıadada birinshi ret óner kórsetken ol shırek fınalǵa óte almady.
Danııar Eleýsinov (21 jasta). Eýropalyq jýrnalısterdiń paıymynsha, 2012 jylǵy jazǵy Olımpıadanyń eń symbatty boksshysy. Ol jastyǵyna qaramastan tolaǵaı tabystarǵa qol jetkizgen. Qazaqstannyń birneshe dúrkin chempıony, kadetter arasynda álem chempıony (2006), jastar arasynda álem chempıonatynyń kúmis júldegeri (2008), 2009 jyly Qazaqstannyń jastar oıyndarynda chempıon atandy. Gýanchjoýde ótken Azııa oıyndarynda chempıon ataǵyna qol jetkizgen (2010).
Evgenıı Levkın. Tramplınnen sekirýshi. Ol nebári 14 jasynda birneshe ret eń myqty jıyrmalyqtyń tizimine engen. 2011 jyly osy sport túrinen qysqy Azııa oıyndarynda altyn medaldi enshilegen alǵashqy qazaqstandyq sportshy.
