Qazaqstannyń eń sulý sportshy arýyn tańdaý bastaldy
ASTANA. 14 qarasha. QazAqparat - Vesti.kz sport portaly óziniń oqyrmandaryna Qazaqstannyń eń sulý sportshy arýyn tańdaýdy usyndy. Daýysty basylymnyń redaktsııasymen tańdalǵan 10 úmitkerdiń birine berý kerek.
Máselen, ondyqqa 27 jastaǵy Maııa Maneza kirdi. «Ziltemirshi Maııa Maneza - bizdiń tizimimizdegi eń ataqty sportshy. Ol álemniń eki dúrkin chempıony, London olımpıadasynyń chempıony, birneshe ret álem rekordyn ornatqan», - dep jazady basylymda.
Sondaı-aq ondyqqa kórkem gımnastıka boıynsha Qazaqstannyń kóshbasshysy - 19 jastaǵy Anna Alıabeva endi. Ol álem chempıonattary men Olımpıada oıyndaryna qatysqan. 19 jastaǵy arý qurlyqtaǵy birinshilik pen Azıada oıyndarynda jeńimpaz atandy.
Álemniń eń myqty tennısshiler tiziminiń 100-ne kiretin 27 jastaǵy Galına Voskoboeva da elimizdiń eń sulý sportshy arýy «ataǵyna talaspaq». Aıta keteıik, sportshy qazirgi ýaqytta WTA reıtınginde 83-shi oryndy ıelenedi.
25 jastaǵy Zarına Týhtıeva shaıbamen hokkeı boıynsha Qazaqstan áıelder qurama komandasynyń kóshbasshysy.
Sulý sportshy qyzdardyń tiziminde 24 jastaǵy Marıan Ýrdabaeva da bar. Ol dzıýdodan Qazaqstan qurama komandasynyń múshesi, 70 keli salmaq dárejesinde óner kórsetedi.
28 jastaǵy Aınur Kereı eń tanymal qazaqstandyq mánerlep júzýshi.
23 jastaǵy Anastasııa Alıshaýskaıte - «Astana jolbarystary-EUÝ" áıelder basketbol klýbynyń jáne Qazaqstan qurama komandasynyń kapıtany ári kóshbasshysy.
21 jastaǵy ıÝlııa Voloshına - taldyqorǵandyq «Jetisý» komandasynyń fýtbolshysy.
23 jastaǵy Sana Jarlaǵasova - «Almaty» klýby men Qazaqstan qurama komandasynyń voleıbolshysy.
