Qazaqstannyń eń shuraıly jerleri ıgerýsiz jatyr - Jibek Joly

ASTANA. QazAqparat – Halyq aýyl sharýashylyǵymen aınalysýǵa nıetti. Biraq bılikke jaqyn azamattar Qazaqstannyń eń shuraıly jerlerin ózderine alyp alǵan. Kóbi ıgerýsiz jatyr. «Jibek Joly» telearnasyna suhbat bergen QR Parlamenti Májilisiniń depýtaty Erlan Saırov osylaı málimdedi, dep habarlaıdy QazAqparat tilshisi.

«Maldyń sany artyp kele jatyr. Azamattar aýyl sharýashylyǵymen aınalysqysy keledi. Biraq eshqandaı jaǵdaı joq. ıAǵnı, jaılymdyq jer joq. Osy jyldyń ishinde atqaminerler jáne bılikke jaqyn azamattardyń barlyǵy Qazaqstannyń eń shuraıly jerlerin ózderine alyp alǵan. Ókinishtisi, ol jerdi ne ózderi ıgermeıdi ne halyqqa bermeıdi. Osy máseleni sheshý úshin Prezıdenttiń ózi bul máselege eki ret nazar aýdardy. Sonymen qatar, «Jer amanaty» atty arnaıy komıssııa quryldy. Jerdi qaıtarýdyń negizgi prıntsıpi bar. Eger jerdi ıgermeı jatqany jóninde dálelder bolsa, onda sot arqyly qaıtarýǵa bolady. Ekinshisi – jer ıelerimen sóılesý arqyly olar óz erkimen qaıtaryp berýi yqtımal», - dedi depýtat.

Erlan Saırovtyń aıtýynsha, «Jer amanaty» komıssııasynyń jumysy nátıjesinde búginde 3,5 mln gektar jer memleket menshigine qaıtarylǵan. Jyl sońyna deıin taǵy 1,5 mln gektardy qaıtarý josparlanǵan.

«Bul ýaqytqa deıin orta jáne kishi bızneske moratorıı bolǵan. Moratorııdiń aıasynda jerge qatysty tekserýler bolamady. Prezıdent jaqynda bul moratorııdi alyp tastady. ıAǵnı, endi jer telimderine qatysty orta jáne kishi bızneske tekseris júrgizýge bolady. Osynyń nátıjesinde biz biraz jumystar atqaramyz», - dep jumystardyń qorytyndysyna toqtaldy Májilis depýtaty.