Qazaqstannyń eń mańyzdy ári qymbat qazynasy - bul ultaralyq kelisim men beıbit ómir - Uıǵyr etnomádenı ortalyǵynyń basshysy

ALDYQORǴAN. Qazannyń 20-sy. QazAqparat /Sandýǵash Dúısenova/ - Qazaqstannyń eń mańyzdy ári qymbat qazynasy - bul ultaralyq kelisim men beıbit ómir. Búgin Astanada jumysyn bastaıtyn Qazaqstan halqy Assambleıasynyń XVI sessııasy aldynda Almaty oblysy Uıǵyr etnomádenı ortalyǵynyń tóraıymy Ásııa Ahmetova osyndaı pikirin jetkizdi.

Onyń aıtýynsha, bul - Qazaqstannyń halyqaralyq saıasatyn iske asyrýdaǵy basty qaǵıda, bul úshin Elbasymyz Nursultan Nazarbaevqa alǵys aıtý kerek. «Ultaralyq jáne konfessııaaralyq kelisim men álemdik jáne dástúrli dinder basshylary seziniń úshinshi ret oıdaǵydaı ótkizilýi - bizdiń elimizdiń mádenıetter dıalogy men jaqyndyǵy úshin esigi ashyq turaqty damyǵan, bolashaǵy zor memleket ekenin kórsetti», - dep atap ótti Ásııa Ahmetova.

Onyń sózine qaraǵanda, osy kúnderi ótip jatqan Búkilálemdik rýhanı mádenıet forýmy elimizdiń osy ustanymyn taǵy bir márte dáleldep otyr.