Qazaqstannyń eń ataqty sportshy-polıtseıi óziniń 50 jyldyǵyn merekeleýge daıyndalyp jatyr
ASTANA. QazAqparat - 16 shilde patrıotızm men jastar arasyndaǵy salamatty ómir saltyn belsendi túrde nasıhattap júrgen Serik Nurǵalıevtiń týǵan kúni.
Chempıon jáne el maqtanyshy 1965 jyly 16 shildede Qaraǵandy oblysy Ýlıanov aýdany Babaev atyndaǵy keńsharda dúnıege keldi. Ol qazirdiń ózinde ardager retinde túrli jarystarǵa qatysady. Serik Óteýulyn jýrnalıster «Eń myqty polıtseı» desedi jáne onyń «Domkrat» degen laqap aty da bar.
Serik Nurǵalıev Qazaqstan Respýblıkasynyń eńbek sińirgen sport sheberi, kúsh qurylymdary arasynda 10 márte álem chempıony jáne rekordshysy, álemdik birinshilikterdiń 31 altyn, 5 kúmis jáne 2 qola medalin ıelengen.
QR ІІM-de qyzmet etip jatqan polıtsııa podpolkovnıgi Serik Nurǵalıev ondaǵan QR sport sheberin, halyqaralyq dárejedegi sport sheberlerin, Qazaqstan men Azııa chempıondaryn tárbıelegen.
Mereıtoı ıesi zaıyby Nasıhatpen birge eki qyzy- Alısa men Aınurdy tárbıelep otyr.
Serik Nurǵalıev jeńisteriniń tizimi: 2002 j. - Ottava q. (Kanada) - 1 altyn medal; 2003 j. - Barselona q. (Ispanııa) - 2 altyn medal jáne 2 álemdik rekord; 2004 j. - Las-Vegas q. (AQSh) - 2 altyn jáne 1 kúmis medal; 2005 j. - Oklend q. (Jańa Zelandııa) - 3 altyn medal; 2005 j. - Kvebek q. (Kanada) - 2 altyn medal; 2006 j. - San-Paýlý q. (Brazılııa) - 8 altyn jáne 1 kúmis medal; 2007 j. - Adelaıda q. (Avstralııa) - 3 altyn medal, 5 álemdik rekord; 2007 j. - Qostanaı q. «Jyl patrıoty» Respýblıkalyq nomınatsııanyń ıegeri 2007, 2008 jj - Halyqaralyq televızııalyq jobanyń qatysýshysy
2008 j. - Orlando q. (AQSh) - 2 altyn jáne 1 kúmis medal, 1 rekord; 2009 j. - Vankýver q. (Kanada) - 3 altyn medal. 2010 j. - Andorra - 1 altyn, 2 kúmis jáne 1 qola medal 2011 j. - Nıý-Iork (AQSh) - 2 kúmis 2011 j. - Astana q. Qysqy Azııa oıyndary alaýgerleriniń biri. 2013 j. - Belfast (Soltústik Irlandııa) - 2 altyn, 1 qola
