Qazaqstannyń Elshisi Kanadanyń General-gýbernatoryna senim gramotalaryn tapsyrdy
ASTANA. QazAqparat - Qazaqstannyń Kanadadaǵy Elshisi Aqylbek Kamaldınov Kanadanyń General-gýbernatory Jıýlı Paıettke senim gramotalaryn tapsyrdy. Rásim General-gýbernatordyń resmı rezıdentsııasy bolyp sanalatyn Soltústik Amerıkanyń eń eski áskerı qurylystarynyń biri - Kvebek qamalynyń aımaǵynda ótti, dep habarlaıdy QR SІM baspasóz qyzmeti.
Saltanatty rásimde sóz sóılegen J.Paıett hanym Qazaqstan men Kanada arasyndaǵy qatynastardyń qarqyndy túrde damýyn atap ótip, Kanada Qazaqstan júrgizip jatqan reformalardy, onyń ishinde Prezıdent Nursultan Nazarbaevtyń bastamasymen júzege asyrylyp jatqan «100 naqty qadam» baǵdarlamasyn qoldaıtynyn málimdedi.
Ekijaqty kezdesý barysynda Kanadanyń General-gýbernatoryna Prezıdenti N.Nazarbaevtyń aǵymdaǵy jylǵy 1 shildede ótetin Kanada kúnine oraı quttyqtaý haty tabystalyp, onda J. Paıett taraptarǵa yńǵaıly ýaqytta Qazaqstanǵa sapar shegýge shaqyryldy.
Elshi A. Kamaldınov Astana men Ottava arasyndaǵy saıası, saýda-ekonomıkalyq jáne mádenı-gýmanıtarlyq salalardaǵy yntymaqtastyqtyń basty baǵyttaryn tolyqtaı sıpattap berdi. Qazaqstannyń kanadalyq tarappen QR ekonomıkasynyń úshinshi modernızatsııasy aıasynda tyǵyz jumys jasaýǵa daıyn ekendegi erekshe atalyp ótti. Sondaı-aq, kásibı ǵaryshker bola tura, buryn birneshe ret Baıqońyrda bolǵanyn atap ótti.
J.Paıett Memleket basshysyna jyly quttyqtaýy úshin alǵysyn bildirdi jáne Astana men Ottava arasyndaǵy tyǵyz saıası dıalogty jalǵastyrýǵa degen úmitin bildirdi. Kezdesý qorytyndysy boıynsha taraptar yntymaqtastyqtyń bolashaǵy bar jańa salalardy qarastyrýǵa jáne barlyq deńdeıdegi ekijaqty baılanystardy arttyrýǵa kelisti.
