Qazaqstannyń elordasy - Astana búgin 15 jasqa toldy

Astananyń qalaı elorda bolǵandyǵy týraly derekterden azdaǵan málimetter berip ótsek. 1994 jylǵy shildeniń 6-sy kúni Qazaqstan Respýblıkasy Joǵarǵy Keńesiniń astanany Almatydan Aqmolaǵa aýystyrý týraly qaýlysy qabyldandy. Budan keıin, 1997 jyly Qazaqstan Prezıdenti N.Nazarbaevtyń elordany Almatydan Aqmolaǵa kóshirý týraly sheshimi shyqty. Kóp keshikpeı, 1998 jyly Aqmola qalasynyń aty resmı túrde Astana bolyp ózgertildi. Elorda mártebesine ıe bolǵan qala osy ýaqyttan bastap týǵan kúnin atap ótýdi ıgi dástúrge aınaldyrdy. Jeti jyl qatarynan mereke maýsymnyń 10-y kúni toılanyp keldi. Ýaqyt ozǵan saıyn Astana kúniniń mańyzdylyǵy artyp, ol tek elordalyqtar ǵana emes, búkil qazaqstandyqtardyń asyǵa kútetin merekesine aınaldy. Sol sebepti, 2006 jyly Astana qalasy ákimdiginiń qaýlysyna sáıkes jáne qalalyq máslıhattyń sheshimimen merekege - Astana kúni ataýy berilip, ony atap ótý - shildeniń 6-syna bekitildi. Al 2008 jyly «Qazaqstan Respýblıkasynyń merekeler týraly zańyna» engizilgen ózgeristerge sáıkes, shildeniń 6-sy - Astana kúni memlekettik merekeler tizimine endi.

Atap aıtqanda, keshe Astanada Memleket basshysy Nursultan Nazarbaev «Atameken» etnomemorıaldyq kesheninde ótken Memlekettik Tý kóterý saltanatty rásimine qatysty.

Óz sózinde Nursultan Nazarbaev Memlekettik týdyń kóterilýi arqyly dástúr boıynsha Astana kúnine arnalǵan merekelik is-sharalardyń bastalatynyn aıtty. «Bul kúnderi Astana jastyǵynyń mereıtoıyn atap ótýda. Qalalardyń da adamdar tárizdi óz tarıhy, óz taǵdyry bolady. Jas Astana tarıhy - aqıqatqa aınalǵan ulttyq armanymyzdyń jylnamasy. Osy jyldary elimizdiń barlyq óńirinen kelgen júz myńdaǵan qazaqstandyq elordamyzdyń qurylysy men qalyptasýyna eleýli úlesterin qosty. Astana - ár qazaqstandyq úshin olardyń júregine jaqyn», -dedi Qazaqstan Prezıdenti.

Astanamyzdyń týǵan kúnin birneshe kúnnen beri Qazaqstannyń dúıim halqy keńinen atap ótýde. Bas qalanyń týǵan kúnine arnalǵan negizgi merekelik sharalar elordanyń ózinde ótkizilýde. Osy oraıda QazAqparat elorda kúninde, ıaǵnı 6 shildedegi merekelik is-sharalardyń kestesin jarııalaıdy:

6 shilde, senbi

10-00 «Juldyzdarmen jol boıynda» Saltanatty sherý. «Jastar» saraıy;

10-00 «Aınalaıyn» merekelik baǵdarlamasy. «Jeruıyq» saıabaǵy;

10-00 «Shýaqty qala» atty Astana kúnine arnalǵan merekelik sherý. «Qazaq Eli» alańy;

11-00 «Astana - baǵy bıik Asqarymsyń» kitap pen poezııa festıvali..Abaı eskertkishi janyndaǵy alań;

11-00 «Shattyq» jas talanttar festıvali. «Báıterek» monýmentiniń alańy;

11-00 «Myńjyldyqtar toǵysyndaǵy Astana» kóshpeliler órkenıetiniń festıvali. «Han-Shatyr» SOSO janyndaǵy alań;

12-00 Neke qııýdy tirkeýdiń saltanatty rásimi. «Otan korǵaýshylar» monýmentiniń aldyndaǵy alań;

12-00 «Serper» Qazaq aspaptar orkestrleri festıvaliniń Gala-kontserti.«Qazaq Eli» monýmentiniń aldyndaǵy alań;

15-00 «Astana samaly» úrmeli aspaptar orkestrleriniń halyqaralyq festıvali: gala-kontsert.«Qazaq Eli» alańy;

16-00 «Azııa jańǵyryǵy» tsırk óneriniń halyqaralyq festıvali. Astanalyq tsırk;

17-00 «Án júregim - Astana!» Gala-kontserti. Kongress-holl;

18-30 «Sahnadan sálem!» teatrlar festıvali. Oqýshylar saraıy;

19-00 «Sovremennık» teatrynyń qoıylymdary: «Kele jatqan...» spektakli. Beıbitshilik jáne Kelisim saraıy;

20-00 Teatrlanǵan kostıýmdi dýman. «Astana Opera» opera jáne balet teatrynyń alańy;

21-00 «Ózen áýenderi» klassıkalyq mýzyka keshteri. Esil ózeniniń jaǵalaýy;

21-00 «Qaıyrly kesh, Astana!» buqaralyq saýyǵy. «Stýdentter» saıabaǵy;

22-00 3D proektsııalyq shoý. «Astana Opera» opera jáne balet teatrynyń alańy;

23-59 Merekelik salıýt. «Qazaq Eli» alańy.