Qazaqstannyń eleýli bóligi antıtsıklonnyń yqpalynda bolady - sınoptıkter
ASTANA. 23 sáýir. QazAqparat - Qazaqstannyń eleýli bóligi antıtsıklonnyń yqpalynda bolady,
dep habarlady Qazgıdrometke silteme jasaǵan QR TJM baspasóz qyzmeti.
«Respýblıkanyń soltústigi men shyǵysy arqyly tsıklon ótedi, osy aýdandarda keıbir jerlerde jaýyn-shashyn bolyp, jel kúsheıedi», - delingen habarlamada.
Pavlodar oblysynda, keıbir jerlerde Aqmola, Qostanaı, Ońtústik Qazaqstan, Mańǵystaý oblystarynda, túnde Shyǵys Qazaqstan oblysynda jeldiń kúshi sekýndyna 15-22 metrge deıin jetedi.
Qyzylorda, Qaraǵandy oblystarynda keıbir jerlerde shańdy boran turyp, jeldiń ekpini sekýndyna 15-20 metrge jetedi.
Aqtóbe, Soltústik Qazaqstan oblystarynyń jekelegen aýdandarynda túnde jáne tańerteń tuman túsedi, Soltústik Qazaqstan oblysynda jeldiń qýaty sekýndyna 15-20 metrge jetedi.
Túnde Almaty oblysynyń Jalańashkól aýdanynda sekýndyna 15-20 metrge jetetin jel turady.
