Qazaqstannyń «elektrondyq úkimet» jumysy týraly eń úzdik materıalǵa jýrnalıster arasynda konkýrs jarııalandy
ASTANA. 2 shilde. QazAqparat - /Marlan Jıembaı/ - «Zerde» Ulttyq aqparattyq-kommýnıkatsııalyq holdıngi» AQ Baılanys jáne aqparat mınıstrliginiń qoldaýymen 2011 jyldyń 1 shildesi men 10 qarashasy aralyǵynda «Elektrondyq úkimet» jumysy taqyrybyndaǵy eń úzdik materıalǵa jýrnalıster arasynda shyǵarmashylyq konkýrs jarııalady, dep habarlady
Konkýrstyń maqsaty - Qazaqstan Respýblıkasynyń «elektrondyq úkimetiniń» qurylýyna ózderiniń maqalalarymen úles qosyp júrgen eń úzdik maqala avtorlaryn anyqtap, marapattaý.
Konkýrstyq irikteý Úzdik televızııalyq materıal», «Úzdik baspasóz materıaly», «Úzdik jelilik materıal» dep atalatyn úsh atalym boıynsha júrgiziledi. «Ár atalym jeńimpazyna júldege planshettik kompıýter beriledi.
Konkýrstyq materıaldarǵa qoıylatyn talaptar: materıal «Elektrondyq úkimet» jumysy týraly bolýy kerek; taqyryptyń ózektiligi men oqyrmandar úshin mańyzdylyǵy nazarǵa alynady; taqyrypqa tyń kózqaras qajet; jarııalanǵan materıalda halyqaralyq tájirıbe men statıstıkalyq málimetterdi paıdalaný kerek; keltirilgen derekter men tsıfrlardyń naqtylyǵyna kóńil bólinedi; aqparat alý maqsatynda suhbat berýshiler sany úshten kem bolmaýy tıis: (resmı tulǵa, qazaqstandyq nemese halyqaralyq sarapshy, «elektrondyq úkimet» portalyn qoldanýshy); materıaldyń baspasóz ben ınternette jarııalanýy, televızııalyq efırden berilýi mindetti; konkýrsqa usynylǵan materıaldardyń skan-nusqasyn (baspasóz materıaly úshin), materıalǵa silteme kórsetý (jelilik materıal úshin), qosymsha vıdeomaterıal (televızııalyq materıal úshin) tapsyrý qajet.
Qazylar alqasynyń quramyna QR Baılanys jáne aqparat mınıstri Asqar Jumaǵalıev, «Zerde» AQ basqarma tóraǵasy Nurlan Izmaılov, «UAT» AQ Basqarma tóraǵasy Rýslan Eńsebaev, «Egemen Qazaqstan» AQ prezıdenti Saýytbek Ábdirahmanov, «Qazaqstan» RTRK» AQ basqarma tóraǵasynyń birinshi orynbasary Lázzat Tanysbaı, Halyqaralyq konkýrstyń «Televızııa» boıynsha «Úzdik kásip ıesi» atalymynyń jeńimpazy Aleksandr Jýravlev, «KTK» telearnasynyń tilshisi Aleksandr Trýhachev, «Kazahstanskaıa pravda» gazetiniń tilshisi («Baspa BAQ» atalymy boıynsha 2008, 2009 jj. jeńimpazy) Svetlana Antoncheva, «Tengrinews.kz» aqparattyq portalynyń aqparattar qyzmetiniń jetekshisi Aıbek Aldabergenov kirdi.
Barlyq jumystar elektrondyq nusqada press.mci@mci.gov.kz meken-jaıyna «QR elektrondy úkimetiniń jumysy týraly daıyndalǵan úzdik materıaldar konkýrsyna» degen ataýmen qabyldanady.
Jiberilgen materıaldar týraly QR BAM baspasóz qyzmetine 74-10-04 telefonyna habarlaý qajet.
