Qazaqstannyń elektrondyq lıtsenzııasy júıesiniń ınterfeısi jańartylatyn bolady
ASTANA. 16 qazan. QazAqparat - Lıtsenzııalardy jáne basqa da ruqsat berý qujattaryn alý úrdisi taǵyda qarapaıym jáne qolaıly bolady - qazir e-lıtsenzııalaý júıesiniń ázirleýshileri Elicense.kz. portalynyń dızaınyn jańartý jáne jaqsartý jóninde keshendik jumystar júrgizýde.
Belgili bolǵandaı, 2012 jyldan bastap Qazaqstandaǵy barlyq lıtsenzııalardy berý e-lıtsenzııalaý júıesi arqyly júrgizilip keledi. Aǵymdaǵy jyldyń 9 aıy ishinde Qazaqstan Respýblıkasynda 16 218 elektrondyq lıtsenzııalar berildi. Onyń ishindegi eń tanymaly qurylys-qurastyrý jumystary, medıtsınalyq/bilim berý qyzmeti jáne alkogoldik ónimderdi saqtaý jáne iske asyrý boldy. Sonymen qatar talap etiletinderdiń ishinde - notarıaldyq jáne farmatsevtıkalyq qyzmettermen aınalysýǵa arnalǵan lıtsenzııalar. E-lıtsenzııalaý sanynyń kópshiligi Ońtústik Qazaqstan, Qostanaı, Qaraǵandy, Shyǵys Qazaqstan oblystarynda jáne Almaty qalasynda berilgen.
Osyǵan baılanysty, Elicense.kz . júıesi lıtsenzııalardyń biryńǵaı memlekettik tizilimi bolyp tabylady, ıaǵnı ol arqyly Qazaqstan Respýblıkasynda berilgen árbir lıtsenzııanyń dáıektiligin jáne mártebesin tekserýge bolady.
Úrdister, mindetter jáne aqparattar kóleminiń ósýi ınterfeıske jańa talaptar qoıady. Eń mańyzdysy, árbir qalaýshyǵa lıtsenzııanyń navıgatsııasyn alý ońaı jáne oǵan qajetti taraýdy tabý qolaıly bolýy tıis.
Sondyqtan da ońtaılandyrý barysynda tikeleı paıdalanýshymen talqylaý jumysy basty nazarda boldy. Qazan aıynan bastap Astana qalasynda kásipkerler jáne qoǵamdyq uıymdar ókilderiniń qatysýymen fokýs-toptar ótkizilýde.
Kezdesýge qatysýshylar burynǵy dızaıynnyń qandaı elementteri qolaısyz nemese túsiniksiz jáne bul qalaı bolýy tıis ekendigi týraly ózderiniń usynystarymen bólisedi. Atap aıtqanda, jeke kabınettiń kórinisin ózgertý, basty betti kóbine yqshamdy etip jasaý, al aıdarlardy elektrondyq úkimet egov.kz . portalynyń mysaly boıynsha sanattarǵa bólý usynyldy.
Kezdesýdiń aıasynda jańa dızaınnyń aldyn ala daıyndalǵan úlgisi kórsetildi. Ony ynta bildirgen kez kelgen adam kórip, talqylaı alady. Taıaý ýaqytta áleýmettik jelidegi egov.kz betinde josparlanǵan ózgerister boıynsha tolyq aqparat paıda bolady. Oǵan fokýs-toptyń qatysýshylary aıtqan usynystar qosylady. Barlyq úlgiler paıdalanýshylardan pikirler alynǵannan keıin qosymsha jetildiriletin bolady.
Elicense.kz portalynyń jańa ınterfeısi 2014 jyldan bastap jumys isteı bastaıdy. Bul týraly «Ulttyq aqparattyq tehnologııalar» AQ baspasóz qyzmeti habarlaıdy.
