Qazaqstannyń elektrondy entsıklopedııasy jasalady - A.Muhamedıuly

ASTANA. QazAqparat - Qazaqstanda elimizdiń barlyq tarıhı, mádenı qundylyqtary men saıası jetistikteri týraly tolyq maǵlumattar elektrondy entsıklopedııada kórinis tabady. Bul týraly búgin Astanada Ortalyq kommýnıkatsııalar qyzmetinde ótken baspasóz máslıhatynda QR Mádenıet jáne sport mınıstri Arystanbek Muhamedıuly málim etti.

«Qazaqstannyń elektrondy entsıklopedııasy jasalady. Bul shynymen biregeı baǵdarlama, bir saıtta Qazaqstannyń tarıhy men bolashaǵy týraly barlyq dúnıelerdi tabýǵa bolady. Atalǵan joba «EKSPO-2017» kórmesinde Qazaqstandy tanystyrý aıasynda óte ózekti joba bolyp tabylady», - dep atap ótti mınıstr.

Onyń aıtýynsha, mınıstrlik EKSPO sharasyna baılanysty arnaıy jospar jasaqtady. Bul jospar boıynsha «EKSPO-2017» kórmesinde Qazaqstannyń álemdegi tarıhı jáne geosaıası mańyzy týraly prezentatsııalar ótkiziledi. «EKSPO-2017» kórmesi men halyqaralyq jáne Astananyń qarjylyq ortalyq retindegi áleýeti mádenı-týrıstik klasterdi qurýǵa qajetti elordanyń jańa mádenı ınfraqurylymynyń damýyn talap etedi», - deıdi A.Muhamedıuly.