Qazaqstannyń El birligi doktrınasy arqyly bılik pen qoǵam arasynda úlken kelisim boldy - D. Nur-Ahmet

áýirdiń 29-y. QazAqparat /Qanat Mámetqazyuly/ - Qazaqstannyń El birligi doktrınasy arqyly bılik pen qoǵam arasynda úlken kelisim boldy. Bul týraly elordada Qazaqstannyń El birligi doktrınasynyń qorytyndy nusqasynyń tusaýkeserine arnalǵan baspasóz máslıhatynda komıssııa hatshysy Dos Nur-Ahmet málim etti,

dep habarlaıdy QazAqparat.

«Doktrınany ázirleý barysynda búgingi kúni qoldanysta bar barlyq osyndaı doktrınalardy zerdelep shyqtyq. AQSh-tyń ózinde osyǵan deıin 40-tan astam doktrına jazylǵan eken. Budan bólek, álemde orys doktrınasy, panıslamızm, pantúrkızm doktrınalary da bolǵan. Doktrınalyq sıpatta fashıstik qujattar da qabyldanǵan. Al Qazaqstannyń El birligi doktrınasyn ázirleý barysynda biz de qujattyń óz deńgeıine sáıkes bolýyn tiledik», dedi D. Nur-Ahmet. Onyń aıtýynsha, qujatpen jumys barysynda doktrınanyń ulttyq birlikke negizdelýi tıistigine de basa nazar aýdarylǵan.

«Qazaqstannyń El birligi doktrınasy arqyly bılik pen qoǵam arasynda úlken kelisim boldy. Sol kelisimnen týǵan qujat dúnıege kelip otyr», dedi D. Nur-Ahmet.