Qazaqstannyń EQYU‑ǵa tóraǵalyǵy qarsańynda elimizde raqymshylyq sharasy júrgizilýi qajet - Ǵ. Qasymov
úıektiń 16-sy. QazAqparat /Qanat Mámetqazyuly/ ‑ Qazaqstannyń EQYU‑ǵa tóraǵalyǵy qarsańynda elimizde raqymshylyq sharasy júrgizilýi qajet. Búgin QR Parlamenti Senatynyń jalpy otyrysynda Úkimet basshysynyń atyna saýal joldaǵan senator Ǵanı Qasymov osyndaı pikir bildirdi,
dep habarlaıdy QazAqparat.
«Kelesi jyldyń qańtarynan bastap bizdiń elimiz EQYU‑ǵa tóraǵalyq etetini belgili. Bunyń ózi osy mıssııany júzege asyratyn barlyq memlekettik bılik ınstıtýttaryna erekshe jaýapkershilik júkteıtin bolady. Sondyqtan da, bizdiń qyzmetimizge qaraı synnyń meılinshe az aıtylý jaqtaryn qarastyra berý qajet. Osyǵan baılanysty Úkimetten ortasha aýyr jáne kishigirim qylmystaryna oraı sottalǵan el azamattary úshin raqymshylyq júrgizý máselesin qarastyrýdy suraımyn», dedi senator. Ǵ. Qasymovtyń paıymdaýynsha, bundaı qadam adam quqy men bostandyǵyn qorǵaý salasyndaǵy qazaqstandyq qoǵamdy demokratııalandyrýdyń memlekettik saıasaty retinde eýropalyq qaýymdastyqpen oń qabyldanady.
