Qazaqstannyń eksporty artty - mınıstr Qasymbek
ASTANA. QazAqparat - Úkimettiń búgingi otyrysynda QR Investıtsııalar jáne damý mınıstri Jeńis Qasymbek otandyq taýarlardy shetelge shyǵarý boıynsha esep berdi, dep xabarlaıdy QazAqparat tilshisi.
"Bıyl eksporttyń oń úrdisi saqtalyp keledi. 2018 jyldyń eki aıy boıynsha eksport 8,8 mlrd dollardan asty. Bul ótken jyldyń atalǵan kezeńimen salystyrǵanda 27,4 protsentke, ıaǵnı 6,9 mlrd dollarǵa artyq", - dedi J.Qasymbek.
Mınıstrdiń aıtýynsha, eksporttyq strategııa aıasynda 2022 jylǵa deıin shıkizattyq emes eksporttyń kólemin 1,5 esege ulǵaıtý qajet. Sońǵy bes jyldyń ishinde jalpy eksport kólemindegi óńdeý ónerkásibiniń úlesi 23 protsentten 32-ge deıin ósti. Qazaqstannyń syrtqy saýda aınalymy 25 protsentke artyp, 69,5 mlrd dollarǵa jetti.
Aıta keteıik, Úkimettiń otyrysynda QR Investıtsııalar jáne damý mınıstri Jeńis Qasymbek otandyq taýarlardy shetelge eksporttaýdyń negizgi problemalaryn da atady.
