Qazaqstannyń eksporttyq ónimderine syrtqy suranystyń artýy elimizdiń ónerkásip salasynyń damý deńgeıiniń 2011 jyly 3,6 paıyzǵa ósýine yqpal etedi

ASTANA. Tamyzdyń 31-i. QazAqparat /Marlan Jıembaı/ - Qazaqstannyń eksporttyq ónimderine syrtqy suranystyń artýy elimizdiń ónerkásip salasynyń damý deńgeıiniń 2011 jyly 3,6 paıyzǵa, 2012-2013 jyldary 3,9 paıyzǵa ósýine yqpal etedi. Bul týraly búgin Úkimet otyrysy barysynda 2011-2015 jyldarǵa arnalǵan Qazaqstannyń áleýmettik-ekonomıkalyq damý boljamynyń jobasyn tanystyrǵan Ekonomıkalyq damý jáne saýda mınıstri Janar Aıtjanova aıtty.

«Indýstrııaldyq-ınnovatsııalyq baǵdarlamanyń sheńberinde ındýstrııaldyq jobalardyń iske asyrylýy jáne Qazaqstannyń eksporttyq ónimderine syrtqy suranystyń artýy elimizdiń ónerkásip salasynyń damý deńgeıiniń 2011 jyly 3,6 paıyzǵa, 2012-2013 jyldary 3,9 paıyzǵa ósýine yqpal etedi», dedi mınıstr.

J. Aıtjanovanyń aıtýyna qaraǵanda, sonymen qatar ónerkásipti óńdeý salasynyń ósýi qarqyny 2011 jyly 3,4 paıyzdan, 2015 jylǵa qaraı 7 paıyzdyń shamasyna artýy azyq-túlik ónimderiniń, hımııalyq ónerkásip ónimderiniń, metallýrgııa ónimderiniń óndirilýiniń kóbeıýi esebinen qamtamasyz etiledi.

«Bul salalarda óndirilgen taýarlardyń ósýine Kedendik odaqtyń sheńberinde ishki naryqtyń keńeıýi de yqpal etedi», dedi J. Aıtjanova.