Qazaqstannyń eksport kólemi 37,2 paıyzǵa artty
NUR-SULTAN. QazAqparat – Bıylǵy 5 aıda Qazaqstannyń eksporty 37,2 paıyzǵa artyp, 34,2 mlrd dollarǵa jetti. Bul týraly Saýda jáne ıntegratsııa mınıstrligi málim etti, dep habarlaıdy QazAqparat tilshisi.
Vedomstvo dereginshe, jyl basynan beri 6 memleketke jóneltilgen taýar kólemi ósken.
«Eksport kólemi Grýzııa eline - 7 ese (90,2 mln dollar), Kanadaǵa - 6,6 ese (343,5 mln dollar), Marokkoǵa - 5 ese (124,1 mln dollar), Ońtústik Koreıaǵa - 4 ese (1,7 mlrd dollar), Japonııaǵa - 3,3 ese (418,9 mln dollar) jáne Túrkııaǵa 2,1 esege (2,1 mlrd dollar) ósti», - dep málim etti mınıstrliktiń baspasóz qyzmetinen.
Eske sala keteıik, buǵan deıin Japonııaǵa jylqy etin eksporttaıtyn otandyq kásiporyndardyń sany artqanyn jazyp edik.
