Qazaqstannyń ekonomıkany qoldaýǵa baǵyttalǵan daǵdarysqa qarsy baǵdarlamasyn jetkilikti dárejede ornyqty, zerdeli boldy dep sanaımyz - Azııa damý bankiniń ekonomısi
ALMATY. Sáýirdiń 13-i. QazAqparat /Erlik Erjanuly/ - Ekonomıka qalpyna kele bastady degen sóz - onda problema bar degendi bildirmeıdi.
Bul búgin Almatyda Azııa damý bankiniń 2010 jylǵy Azııanyń damýyna sholýyn tanystyrý kezinde aıtyldy, dep habarlaıdy QazAqparat.
«Biz Qazaqstan úkimetiniń ekonomıkany qoldaýǵa baǵyttalǵan daǵdarysqa qarsy baǵdarlamasyn jetkilikti dárejede ornyqty, zerdeli boldy dep sanaımyz. Endigi másele qoldaý sharalarynyń qashan toqtaıtyny jáne jeke sektordyń rólin qalaı bosatatyny jóninde bolmaq», deıdi Azııa damý bankiniń ekonomısi Kıoshı Tanıgýchı. Onyń paıymdaýynsha, munaı baǵasynyń ósýi aktıvterdiń baǵasyn ósirmeıdi. Munaı kirisi Ulttyq qorǵa baǵyttalǵan. Eger úkimet qarjy sektoryn durys qadaǵalap, sátti basqara alsa munaıdyń joǵary baǵasy ekonomıkany sabyndy kópirshikke jetkizbeıdi.
