Qazaqstannyń ekonomıkalyq ósimi 7,5-ten 5,6 paıyzǵa deıin baıaýlady - TMD elderine monıtorıng
ALMATY. 30 shilde. QazAqparat - Eýrazııa damý bankiniń Taldaý basqarmasy TMD elderine jasalǵan kezekti makromonıtorıngini jarııalady.
Alǵashqy toqsanda TMD ekonomıkasynyń ósimi 4,65 paıyzdy qurady. Bul ótken jyldyń sáıkes kezeńimen salystyrǵanda birshama tómen. Halyqaralyq qarjy ınstıtýtynyń habarlaýynsha, bıyl qańtar-naýryz aılarynda álemdik ekonomıkanyń ósimi 0,1 paıyzdy quraǵan bolatyn.
EDB sarapshylarynyń baǵalaýynsha, ekonomıkanyń ósimi Reseıde 4,1-den 4,9 paıyzǵa ulǵaısa, Ýkrana, Belarýs, Ózbekstan elderinde 6,9-dan 3 paıyzǵa deıin baıaýlady. Al Qyrǵyzstanda mınýs 6,8 paıyzǵa deıin kúrt quldyrady. Qazaqstanda ol 7,5-ten 5,6 paıyzǵa deıin baıaýlady. Taldaýshylardyń aıtýynsha, jalpy ishki ónimniń ósimi taıaýdaǵy eki jylda 6-6,5 paıyz kóleminde bolady dep boljaýda. Іshki suranys onyń negizgi qozǵaýshy kúshi bolmaq.
