Qazaqstannyń eki óńirinde túnde qatty aıaz bolýy kútiledi
ASTANA. QazAqparat - Antıtsıklon Qazaqstannyń ońtústigi men batysyna óziniń yqpalyn saqtaıdy - 15 aqpanda kún ashyq bolady. Túnde Almaty jáne Jambyl oblystarynda keı jerlerde qatty aıaz bolady, dep habarlady QR TJM baspasóz qyzmeti Qazgıdrometke silteme jasap.
Respýblıkanyń soltústik-batys, soltústik jáne ortalyq bóliginde atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde qar jaýady, birqatar aýdandarda burqasyndy jel kúsheıedi. Respýblıkanyń keıbir jerlerinde tuman túsip, kóktaıǵaq bolady.
Qostanaı oblysynda tańerteń jáne kúndiz keı jerlerde jeldiń ekpini 15-20 m/s-qa deıin kúsheıedi, túnde jáne tańerteń - keı jerlerde tuman túsedi. Aqtóbe oblysynyń birqatar aýdandarynda tuman túsedi, kóktaıǵaq bolady. Atyraý oblysynda keı jerlerde tuman túsip, jeldiń 15-20 m/s-qa deıin kúsheıýi kútiledi. Almaty, Jambyl, Ońtústik Qazaqstan, Soltústik Qazaqstan oblystarynyń birqatar aýdandarynda tuman túsedi. Mańǵystaý oblysynda keı jerlerde 15-20 m/s-qa deıin jel kúsheıýi múmkin.
Sonymen qatar, taıaýdaǵy úsh táýlikte respýblıkanyń ońtústigindegi, ońtústik-shyǵysyndaǵy jáne shyǵysyndaǵy keıbir ózenderde sý deńgeıiniń qubylýy baıqalady.
