Qazaqstannyń eki óńirinde burqasyn saldarynan jol jabyldy
ASTANA. QazAqparat - Jambyl jáne Ońtústik Qazaqstan oblystarynda burqasynnyń saldarynan tas joldar jabyq, dep habarlaıdy «QazAqparat» HAA tilshisi RQ ІІM TJ komıtetiniń saıtyna silteme jasap.
Jambyl oblysynda 3 aqpan kúni saǵat 17:00-den bastap aýa raıynyń qolaısyzdyǵyna (burqasyn, jol kórinisiniń nasharlaýy) baılanysty respýblıkalyq mańyzy bar «Almaty-Tashkent» tasjolynyń (534-593 shaqyrym aralyǵy) barlyq kólik túrleri úshin jol jabyldy.
Ońtústik Qazaqstan oblysynda 3 aqpan kúni saǵat 17:00-den bastap respýblıkalyq mańyzy bar «Termez-Tashkent-Almaty» tasjolynda (593-632 shaqyrym aralyǵy) barlyq kólik túrleri úshin qozǵalys shekteldi.
