Qazaqstannyń eki óńirinde aýa raıyna baılanysty eskertý jarııalandy
NUR-SULTAN. QazAqparat - Sınoptıkter aýa raıynyń buzylýyna baılanysty Batys Qazaqstan jáne Aqtóbe oblystarynda eskertý jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
1 jeltoqsanda Batys Qazaqstan oblysynyń keı jerlerinde tuman túsip, kóktaıǵaq bolady. Jaıaý burqasyn soǵady. Ońtústik-shyǵystan esetin jeldiń jyldamdyǵy sekýndyna 15-20 metrge jetedi.
1 jeltoqsanda Aqtóbe oblysynyń keı jerlerinde jaıaý burqasyn kóterilip, kóktaıǵaq bolady. Ońtústik-shyǵystan jel soǵady, jel ekpini 15-20 m/s deıin kúsheıedi.
