Qazaqstannyń eki oblysyndaǵy joldarda kólik qozǵalysy shekteldi
NUR-SULTAN. QazAqparat – Naýryzdyń 3-i kúngi aqparat boıynsha Qazaqstannyń eki oblysyndaǵy joldarda kólik qozǵalysyna tyıym salyndy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.
Mınıstrlik taratqan málimetterge qaraǵanda, 3 naýryz kúni Nur-Sultan ýaqyty boıynsha saǵat 00:45-te aýa raıyna baılanysty Aqtóbe oblysynda «Samara-Shymkent» tas jolynyń 526-615 shaqyrymynda, naqtyraq aıtqanda Batys Qazaqstan oblysy men Qobda aýylynyń aralyǵyndaǵy jol bóliginde barlyq kólik túrleriniń qozǵalysyna tyıym salyndy.
Sondaı-aq «Samara-Shymkent» trassasynyń 265-526 shaqyrymynda, naqtyraq aıtqanda Podstepnoe aýyly men Aqtóbe oblysynyń shekarasy aralyǵynda barlyq kólik túrlerine júrýge bolmaıdy.
