Qazaqstannyń eki oblysynda joldar jabyq
ASTANA. QazAqparat - Aýa raıynyń buzylýy Qazaqstannyń eki oblysynda joldyń jabylýyna sebepshi boldy. Bul týraly QR ІІM TJ komıtetiniń bapasóz qyzmeti habarlady.
Osylaısha, Shyǵys Qazaqstan oblysynda búgin saǵat 19-30-dar shamasynda aýa raıynyń buzylýyna baılanysty (burqasyn, joldyń kórinisi shekteýli) «Kúrshim-Qaljyr» (117-131 km) avtojoly barlyq kólik túrleri úshin jabyldy. «Almaty-Óskemen» joly (973-1073 km. Kalbataý aýyly-Óskemen qalasy) qoǵamdyq jáne júk kólikteri úshin jabyldy.
Pavlodar oblysynda saǵat 22-00-den bastap, aýa raıynyń buzylýyna baılanysty (kóktaıǵaq) «Omby-Maıqapshaǵaı» (399-191 km) baǵytynda Pavlodarlyq stantsııasynan RF shekarasyna deıin barlyq kólik túrleri úshin jol joq.
