Qazaqstannyń eki oblysynda jol jabyq
ASTANA. QazAqparat - Jambyl jáne Ońtústik Qazaqstan oblystaryndaǵy avtokólikter úshin qozǵalystyń shektelgeni týraly «Kazahavtodor» RMK baspasóz qyzmeti habarlady.
Búgin, 22 jeltoqsan, Jambyl oblysynda saǵat 16.50-de aýa-raıynyń qolaısyzdyǵy saldarynan (burqasyn, kórý múmkindigi shekteýli) 543-593 shaqyrymdyq «Almaty-Tashkent-Termez» tas jolynda, ıaǵnı Kúıik asýynan OQO shekarasyna deıingi aralyqta barlyq avtokólik túrleriniń qozǵalysy shekteldi.
Ońtústik Qazaqstan oblysynda saǵat 17.10-da aýa-raıynyń qolaısyzdyǵy saldarynan 593-611 shaqyrymdyq «Almaty-Tashkent-Termez» tas jolynda, ıaǵnı Jambyl oblysy shekarasynan Aqbıik aýylyna deıingi aralyqta barlyq avtokólik túrleriniń qozǵalysy shekteldi.
