Qazaqstannyń eki oblysynda jańbyr jáne burqasyn saldarynan joldar jabyldy
ASTANA. QazAqparat - Almaty jáne Qaraǵandy oblystarynda aýa raıynyń nasharlaýyna baılanysty avtokólikterdiń barlyq túrleri úshin joldar jabyldy.
«Almaty oblysynda 10 qańtarda saǵat 18:00-den bastap aýa raıynyń nasharlaýyna baılanysty (kúshti jel, boran, joldyń kórinbeýi) «Úsharal-Dostyq» avtojoly ýchaskesinde (83-184-shi shaqyrymdar) avtokólikterdiń barlyq túri úshin qozǵalys jabyldy», - delingen QR Іshki ister mınıstrligi Tótenshe jaǵdaılar komıtetiniń habarlamasynda.
Sondaı-aq Qaraǵandy oblysynda keshte saǵat 21:30-dan bastap aýa raıynyń nasharlaýyna baılanysty (kóktaıǵaq, jańbyr) «Qyzylorda-Pavlodar» avojolynyń ýchaskesinde (433-749-shy shaqyrymdar, Jezqazǵan qalasy - Atasý kenti) avtokólikterdiń barlyq túrleri úshin qozǵalys jabyldy.
