Qazaqstannyń eki oblysynda jalpy aýdany 530 gektardyń dala alqaby órtenip ketti
ASTANA. Tamyzdyń 30-y. QazAqparat - Qazaqstannyń eki oblysynda jalpy aýdany 530 gektardyń dala alqaby órtenip ketti, dep habarlady tótenshe jaǵdaılar vedomstvosynan.
Mınıstrliktiń baspasóz qyzmetiniń aqparaty boıynsha, jeksenbi kúni keshke Soltústik Qazaqstan oblysy Taıynshy aýdanynyń Chkalovo selosynyń mańynda oryn aldy. Órtengen aýmaq 450 gektardy qurady. Aqmola oblysy men Soltústik Qazaqstan oblysy tótenshe jaǵdaılar departamentteriniń órt sóndirý qyzmetteri men Orlınogor orman sharýashylyǵynyń órt sóndirýshi jasaǵy jalyndy toǵyz saǵattan keıin aýyzdyqtaı aldy.
Keshe sondaı-aq, kúndizgi saǵat 2-lerde Jambyl oblysynyń Qordaı selolyq okrýginde 80 gektar aýmaqta dala órtendi. Jalyn Jambyl oblystyq tótenshe jaǵdaılar departamentiniń órt sóndirý qyzmetiniń kúshimen keshke qaraı sóndirildi.
