Qazaqstannyń eki oblysynda sý tasqynyna baılanysty joldar jabyldy
ASTANA. QazAqparat - Qostanaı jáne Soltústik Qazaqstan oblystaryndaǵy respýblıkalyq mańyzy bar joldarda kólik qozǵalysyna shekteý qoıyldy, dep habarlaıdy «QazAqparat» HAA tilshisi.
«Qazaqavtojol» RMK habarlaǵandaı, 4 mamyr kúni Qostanaı oblysynda sý tasqyny ahýalyna baılanysty «Ekaterınbýrg-Almaty» avtojolynyń (715+500m shaqyrymyn sý basty) 686-729 shaqyrym aralyǵynda, Sarykól kentinen Soltústik Qazaqstan oblysynyń shekarasyna deıingi ýchaskesinde barlyq avtokólik túrleri úshin kólik qozǵalysy shekteldi.
SQO-da «Chelıabınsk-Novosıbırsk» avtojolynyń 525-530 shaqyrym aralyǵy, Mamlıýtskıı aınalmasynan 20-shaǵynaýdandaǵy aınalmaǵa deıingi ýchaskede (527, 528, 529 shaqyrymyn sý basty) barlyq kólik túrleriniń qozǵalysyna tyıym salyndy.
Sonymen qatar, «Ekaterınbýrg-Almaty» tasjolynyń 835 shaqyrymyn (Aqan-Búrlik ózenindegi kópirdi sý jyryp ketti, kópirdiń uzyndyǵy - 70 m) sý jyryp ketti. Bul aýmaqta kólik qozǵalysyna shekteý qoıylmady.
«Qazaqavtojol» RMK oblystyq bólimsheleriniń jumysshylary sý basqan ýchaskelerde jumys istep, eskertý belgilerin qoıdy jáne táýlik boıy kezekshilik uıymdastyrdy.
