Qazaqstannyń eki oblysynda kólik qozǵalysy shekteldi
PAVLODAR. QazAqparat – Qolaısyz aýa raıyna baılanysty Pavlodar jáne Qaraǵandy oblysy joldarynda qozǵalysqa shekteý qoıyldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń resmı Telegram kanalyna silteme jasap.
«8 aqpan 07:30-da Pavlodar oblysynda aýa raıynyń nasharlaýyna baılanysty Qaraǵandy oblysyndaǵy «Qalqaman-Baıanaýyl-Úmitker-Kerneı–Botaqara» avtojolynyń 138-231 shaqyrymynda barlyq túri úshin qozǵalysqa shekteý engizildi.
8 aqpan kúni saǵat 06:30-da Qaraǵandy oblysynda qolaısyz aýa raıyna baılanysty (boran, joldyń kórinbeýi, kóktaıǵaq) «Ekaterınbýrg – Almaty» avtojolynyń 1492-1610 shaqyrymynda jol jabyldy» delingen vedomstvo habarlamasynda.
Sondaı-aq, saǵat 07:00-de Qaraǵandy oblysynda aýa raıynyń nasharlaýyna baılanysty (boran, joldyń kórinbeýi, kóktaıǵaq) avtokóliktiń barlyq túrleri úshin myna avtojoldarda qozǵalysqa shekteý engizildi:
1. «Qalqaman-Baıanaýyl-Úmitker-Kerneı-Botaqara» 231-324 shaqyrymy, Pavlodar oblysy shekarasy ých.-Botaqara kenti;
2. «Qaraǵandy-Aıagóz-Buǵaz» 17-217 shaqyrymy, Qaraǵandy q. ých-Qarqaraly q.
Eske sala keteıik, keshe aýa raıynyń qolaısyzdyǵyna baılanysty (kóktaıǵaq, qar aralas jańbyr, jaıaý burqasyn, shekteýli kórinis) segiz óńirdegi respýblıkalyq jáne oblystyq mańyzy bar avtojoldarda barlyq avtokólik túrleri úshin qozǵalys jabylǵan bolatyn. Soltústik Qazaqstan jáne Aqmola oblystaryndaǵy tas joldarynda qozǵalys ashyldy.
