Qazaqstannyń eki oblysynda kólik qozǵalysy shekteldi
ASTANA. QazAqparat - Búgin qarǵyn sýǵa baılanysty elimizdiń eki oblysynda kólik qozǵalysy shekteldi. Bul týraly «Qazavtojol» RMK baspasóz qyzmeti habarlady.
SQO-da qardyń kúrt erýi saldarynan «Jezqazǵan-Petropavl» jolynyń 719-shaqyrymynda uzyndyǵy 50 metr jerdi sý shaıyp ketýi kesirinen Novoıshımovka selosynan Tımırıazev aýylynyń qıylysyna deıin, 705-786 shaqyrym aralyǵynda kóliktiń barlyq túrleri úshin jol jabyq.
Sondaı-aq joldan sýdyń asyp aǵyna baılanysty kóliktiń barlyq túri úshin myna bólikterde qozǵalys shekteldi:
- «Jezqazǵan-Petropavl» avtojolynyń 670-701 shaqyrymy aralyǵy, Toqsan bı ýchaskesinen Novoıshımovka selosyna deıin (681 jáne 678 km).
- «Ekaterınbýrg-Almaty» avtojoly (729-795 shaqyrym), Qostanaı oblysynyń shekarasynan Rýzaevka selosyna deıingi ýchaske. 781 shaqyrym.
- «Petropavl-Sokolovka-RF shekarasy», 11-41 shaqyrym, Petropavl qalasynan Sokolovka selosyna deıingi ýchaske. 29 shaqyrym.
Qazirgi ýaqytta kóliktiń qaýipsiz ótýin qamtamasyz etý úshin qalpyna keltirý jumystary kúsheıtilgen rejimge kóshti. Jumysqa «Qazavtojol» RMK SQO oblystyq fılıalynyń DEÝ-63 jáne DEÝ-66 qyzmetkerleri men 20 birlik tehnıka tartyldy.
Aqtóbe oblysynda avtojoldan sýdyń asyp aǵyna baılanysty (219 shaqyrym +200 m. (eni-30-40 m, bıiktigi-80 sm)) jolda 2016 jylǵy 21 naýryzda engizilgen «Qandyaǵash-Embi-Shalqar-Yrǵyz» ( 200-220 shaqyrym), Móńke Bı aýylynan Qaıdaýyl kentine deıinshi ýchaskede kóliktiń barlyq túri úshin jol qozǵalysyn shekteý saqtalady.
Barlyq ýchaskelerde sý ótkizý qubyrlary bar. Eskertý belgileri, dabyl baǵandary qoıyldy. Táýlik boıy torýyldaý jumystary qolǵa alynǵan.
