Qazaqstannyń eki oblysynda qar qursaýynan shamamen 90 adam qutqaryldy
ASTANA. QazAqparat - Qaraǵandy jáne Qyzylorda oblystarynda ótken táýlikterde shamamen 90 adam qutqaryldy, dep habarlady QR TJM.
Qaraǵandy oblysynda 5 naýryz kúni tańerteń erte TJD kúshimen Qyzylorda-Pavlodar jolynyń boıynda qar qursaýynan 16 tehnıka, sonyń ishinde 7 júk kóligi, 1 shaǵyn avtobýs, 8 jeńil avtokólik shyǵaryldy. 55 adam qutqaryldy, zardap shekkender joq.
Qyzylorda oblysynda 5 naýryz kúni saǵat 10.10 kezinde TJD jáne QR TJM «Qazavıaqutqarý» AQ kúshimen Qyzylorda-Jezqazǵan jolynyń boıyndaǵy ýchaskeden qar qursaýynan MI-8 tikushaǵymen 34 adam Qyzylorda qalasyna jetkizildi. Zardap shekkender joq.
