Qazaqstannyń eki oblysynda burshaq jaýyp, kúshti jel soǵýy múmkin
ASTANA. QazAqparat - Qazaqstannyń eki oblysynda aýa raıyna qatysty eskertý jarıalandy, dep habarlaıdy QazAqparat tilshisi «Qazgıdrometke» silteme jasap.
Sınoptıkterdiń habarlaýynsha, 19 maýsym kúni Shyǵys Qazaqstan oblysynda keı jerlerde jańbyr jaýyp, naızaǵaı oınaıdy jáne burshaq jaýýy yqtımal. Ońtústik-shyǵystan soqqan jel soltústik-batysqa oıysyp, jyldamdyǵy sekýndyna 17-22 metr bolady, kúndiz keı jerlerde jeldiń ekpini sekýndyna 23-28 metrge jetedi.
Qostanaı oblysynda seısenbi kúni naızaǵaı oınap, burshaq jaýýy múmkin, soltústik-batystan soqqan jeldiń jyldamdyǵy 15-20 m/s jetedi dep kútilýde.
Daýyl turýy yqtımaldylyǵy - 90-95%
