Qazaqstannyń eki oblysynda boran saldarynan jol jabyldy
ASTANA. QazAqparat - Aqmola jáne Qaraǵandy oblystarynda jol jabyldy, dep habarlady «Qazavtojol» RMK baspasóz qyzmetinde.
Búgin 09.45-te Aqmola oblysynda aýa raıynyń nasharlaýyna (qar, boran, joldyń nashar kórinýi) baılanysty «Ekaterınbýrg-Almaty» jolynyń 1280-1353 shaqyrymynda, Astana qalasynan Qaraǵandy oblysynyń shekarasyna deıingi ýchaske, júk jáne qoǵamdyq kólik úshin jol jabyldy.
Budan basqa, 8 jeltoqsanda 18.15-te engizilgen «Astana-Petropavl» jolynyń Astana qalasynan Şýchınsk qalasyna deıingi ýchaskesinde (18-231 shaqyrym) kóliktiń barlyq túrine jol qozǵalysyn shekteý saqtalady.
Qaraǵandy oblysynda aýa raıynyń nasharlaýyna (qar, boran, joldyń nashar kórinýi) baılanysty myna joldarda kóliktiń barlyq túrlerine shekteý engizildi:
1. «Ekaterınbýrg-Almaty» 1492-1610 shaqyrym, Qaraǵandydan Aqsý-Aıýly aýylyna deıingi ýchaskede;
2. «Ekaterınbýrg-Almaty» 1353-1444 shaqyrym, Aqmola oblysynan Temirtaý qalasyna deıingi ýchaskede;
3. «Ekaterınbýrg-Almaty» 1610-1854 shaqyrym, Aqsý-Aıýlydan Balqash qalasyna deıin ýchaskede júk jáne qoǵamdyq kólik úshin jol jabyldy.
