Qazaqstannyń eki megapolısi men 10 oblysynda aýa raıyna baılanysty eskertý jarııalandy

ASTANA. QazAqparat – Qazaqstannyń 10 óńiri men eki iri qalasy – Shymkent pen Almatyda nóser jaýyn jaýyp, kún kúrkirep, úsik júredi, dep habarlaıdy QazAqparat «Qazgıdromet» RMQ-ǵa silteme jasap.

11 sáýirde Jetisý oblysynyń ońtústik, ortalyq jáne taýly aımaqtarynda nóser jańbyr jaýyp, kún kúrkirep, burshaq jaýýy múmkin. Oblystyń soltústigi, shyǵysyna batystan jel soǵyp, ekpini 15-20, keı jerlerde 23-28 m/s jetedi. Taldyqorǵanda nóser jaýyn jaýyp, kún kúrkirep, naızaǵaı oınaýy múmkin. Batystan soqqan jeldiń jyldamdyǵy 15-20 m/s bolady.

11 sáýir túnde Túrkistan oblysynyń taýlaryna jaýyn-shashyn (jańbyr, qar) túsedi. Ońtústik, batys, taýly jáne taý baýraıyndaǵy aýdandarda kún kúrkirep, taýly aýdandarda burshaq jaýady. Soltústik-batystan soqqan jeldiń jyldamdyǵy sekýndyna 15-20 metrge jetedi.

Shymkentte 11 sáýir túnde jáne tańerteń kún kúrkirep, naızaǵaı oınaýy múmkin. Soltústik-batystan soqqan jel 15-20 m/s bolady. Túrkistanda 11 sáýirde túnniń alǵashqy bóliginde kún kúrkireıdi. Soltústik-batystan jel soǵyp, ekpini 15-20 m/s jetedi.

Aqmola oblysynyń soltústik, shyǵysyna soltústik-batystan jel soǵady, jyldamdyǵy - 15-20 m/s.

11 sáýir tańerteń Mańǵystaý oblysynyń batysy men ońtústiginde kún kúrkireýi múmkin. Oblystyń soltústik-batysynda túnde tuman túsedi. Soltústik-batystan soqqan jel ońtústik-batysqa aýysyp, kúndiz oblystyń ońtústiginde, shyǵysynda jyldamdyǵy 15-20 m/s bolady.

Abaı oblysynyń ońtústik-batysy, soltústiginde ońtústik-batystan jel turyp, soltústik-batysqa aýysady degen boljam bar. Ekpini - 15-20 m/s. Semeıde 11 sáýirde ońtústik-batystan jel soǵady, kúndiz ekpini 15 m/s jetedi.

Kúndiz Ulytaý oblysynyń shyǵysynda, ortalyǵynda soltústik-batystan, batystan jyldamdyǵy 15-20 m/s jel turady. Jezqazǵanda 11 sáýirde soltústik-batystan, batystan ekpini 15-20 m/s jel soǵady.

11 sáýirde Qaraǵandy oblysynyń ońtústigi, shyǵysynda batystan, soltústik-batystan jel soǵyp, jyldamdyǵy 15-20 m/s bolady.

Kúndiz Pavlodar oblysynyń kóp bóliginde jyldamdyǵy 15-20 m/s soltústik-batystan jel turady. Pavlodarda 11 sáýir kúndiz soltústik-batystan jel soǵady, ekpini - 15-20 m/s.

11 sáýirde Batys Qazaqstan oblysynyń soltústik-shyǵysy, soltústiginde topyraq betinde 3 gradýs úsik júredi. Oralda 11 sáýirde túnde topyraq betinde 3 gradýs úsik júrýi múmkin.

Almaty oblysynyń ońtústik, taýly aımaqtarynda jaýyn-shashyn (jańbyr, qar) jaýady. Oblystyń ońtústik bóliginde kún kúrkirep, burshaq jaýady. Batystan, soltústik-batystan soqqan jeldiń jyldamdyǵy oblystyń ońtústik bóliginde 17-22 m/s jetedi, keı jerlerde 25 m/s bolady. Almatyda keı jerlerde nóser jaýyn, naızaǵaı oınaýy múmkin. Batystan, soltústik-batystan soqqan jeldiń jyldamdyǵy - 15 m/s. Qonaevta 11 sáýirde keı jerlerde kún kúrkirep, naızaǵaı oınaıdy. Batystan, soltústik-batystan soqqan jeldiń jyldamdyǵy sekýndyna 15-20 metrge jetedi.