Qazaqstannyń eki bylǵary qolǵap sheberi bokstan álem chempıonatynyń aqtyq synyna shyqty
BAKÝ. 8 qazan. QazAqparat /Berik Hamıdov/ - Juma kúni bokstan álem chempıonatynyń jartylaı fınalynda Qazaqstan komandasynyń kapıtany Serik Sápıev lıtvalyq sportshy Egıdıýs Kavalıaýskasty nokaýtqa túsirip, jeńiske jetti.
Aıta keteıik, lıtvalyq boksshy Qazaqstan sportshynyń soqqysynan keıin jekpe-jekti jalǵastyrýdan ózi bas tartty.
Sonymen qatar Ózbekstan quramasynyń úmit artqan sportshysy Elshod Rasýlovty tize búktirgen taǵy bir boksshymyz Ádilbek Nııazymbetov chempıonattyń aqtyq synyna shyqty.
Osylaısha eki bylǵary qolǵap sheberimiz bokstan álem chempıonatynyń fınalyna joldama aldy.
