Qazaqstannyń eki boksshysy Tashkenttegi halyqaralyq týrnırde fınalǵa shyqty

Sársenbi, mamyrdyń 19-y kúni 69 kg salmaqtaǵy qazaqstandyq sportshy Serik Sapıev ózbek sportshysy Rýstam Begıevti 12:2 esebimen oısyrata jeńdi.

Sondaı-aq QR quramasynyń ókili Danııar Ústembaev Ózbekstan boksshysy Mırzohıd Abdýllaevty 4:1 esebimen jeńdi.

Beısenbi, mamyrdyń 20-y kúniniń ekinshi jartysynda S.Sápıev pen D.Ústembaev fınaldyq saıystarǵa shyǵady.

QazAqparat habarlaǵandaı, osy kúnderi Tashkenttiń «Jar» sport kesheninde jeti elden 100-ge tarta sportshy qatysyp otyrǵan, Ózbekstannyń eńbek sińirgen jattyqtyrýshysy Sıdneı Djaksondy eske alýǵa arnalǵan halyqaralyq týrnır ótip jatyr.