10:00, 17 Naýryz 2013 | GMT +5
Qazaqstannyń eki azamatshasy Sırııadan elimizge kóshirildi
ÁBÝ-DABI. 17 naýryz. QazAqparat - Qazaqstan Respýblıkasynyń Iordanııadaǵy Elshiligi men Amman qalasynda ýaqytsha ornalasqan QR konsýldyq mıssııasy Sırııadan Qazaqstannyń taǵy da eki azamatshasy balalarymen qosa kóshirildi dep habarlady.
Atap aıtqanda, 16 naýryz kúni Ábý-Dabı-Almaty áýe reısimen QR azamatshasy Dınara Álıeva tórt balasymen Qazaqstanǵa jóneltildi. 17 naýryz kúni Ystambuldan Irına Alrahım eki balasymen Astanaǵa attandy.
Qazaqstandyq dıplomattar otandastarymyz Sırııanyń sońǵy kezde qaýipsizdik jaǵdaıy kúrdelenip ketken Homs provıntsııasynan kóshirilgenin habarlady. Qazaqstan Respýblıkasy eki jyl boıy soǵystan kóz ashpaı otyrǵan |Sırııadan óz azamattaryn kóshirý boıynsha barlyq shyǵyndardy óz moınyna alady. BUU derekteri boıynsha Sırııada qarýly qaqtyǵystar kezinde 75 myńnan astam adam qaza boldy.