Qazaqstannyń egemen kredıttik reıtıngi «Turaqtydan» «Oń» boljamyna deıin joǵarylady
ASTANA. 21 jeltoqsan. QazAqparat - Dúısenbi, 2010 jylǵy 20 jeltoqsanda Fitch halyqaralyq reıtıngtik agenttigi Qazaqstan Respýblıkasynyń egemen kredıttik reıtıngi boıynsha boljamyn «Turaqtydan» «Oń» boljamyna deıin kóterdi.
Bul týraly QR Ekonomıkalyq damý jáne saýda mınıstrliginiń baspasóz qyzmeti habarlady.
Agenttik barlyq reıtıngterdi rastady: shetel valıýtasyndaǵy uzaqmerzimdi emıtenttiń defolti reıtıngi (EDR) «VVV-» deńgeıde, ulttyq valıýtada «VVV», ulttyq valıýtadaǵy qysqamerzimdi EDR «F3» deńgeıde, memlekettik shegi «VVV» deńgeıde.
Boljamnyń joǵarylaýy jáne reıtıngterdiń rastalýy qarjylyq daǵdarystan keıingi ekonomıka ósiminiń qalpyna kelýiniń jalǵasyn, tólem balansynyń jaqsarýyn jáne bank júıesiniń turaqtanýy men memlekettik balanstyń nyǵaıý belgilerin aıqyndaıdy.
